Nihad Abdullayev — Radar.az-ın təsisçisi və rəqəmsal məhsullar üzrə mütəxəssis

Rəqəmsal məhsullar və transformasiya təcrübəsi

Nihad Abdullayev müxtəlif şirkətlər üçün rəqəmsal məhsulların və biznes sistemlərinin qurulmasında iştirak edib. Kontakt Home üçün Kontakt.az platformasının kataloq modelindən tam funksional e-commerce sisteminə transformasiyası nəticəsində platformanın trafiki 30 dəfəyədək, konversiyası isə 7 dəfəyədək artıb; 166 və 156 brendlərində rəqəmsal satış, e-commerce və proses avtomatlaşdırılması layihələri inbound müraciətlərin 400%-ə qədər artmasına töhfə verib; AISCO üçün e-commerce, aqronom konsultasiyası, məhsul izlənməsi və AI əsaslı tövsiyələri birləşdirən Agrohub platformasının məhsul konsepsiyası və inkişafı üzərində çalışıb; Music Gallery-də e-commerce, omnichannel CRM və rəqəmsal kredit proseslərinin qurulması nəticəsində onlayn satış həcmi 8 dəfəyədək artırılıb. CityFinance-da isə rəqəmsal kredit məhsulları, avtomatlaşdırılmış müştəri prosesləri və AI əsaslı biznes sistemlərinin qurulması istiqamətində layihələr həyata keçirib.

Sahibkarlıq və məhsul quruculuğu

Korporativ layihələrlə yanaşı, Nihad Abdullayev uzun illərdir müstəqil rəqəmsal məhsullar və startup-lar da yaradır. Sahibkarlıq fəaliyyətinə Marka360 rəqəmsal agentliyi ilə başlayıb və burada 70-dən çox şirkət üçün rəqəmsal layihələrin həyata keçirilməsində iştirak edib.

Sonrakı illərdə Radar.az, Urlify.org, Lokal.az, Chat2do, Forbidden Words, Upmind, Numbo və Angry Frog kimi müxtəlif platforma, SaaS aləti, mobil tətbiq və oyun layihələrinin yaradılmasında təsisçi və məhsul qurucusu kimi iştirak edib. Bunlarla yanaşı, müxtəlif mərhələlərdə bir sıra digər rəqəmsal məhsul və startup konseptlərinin hazırlanması və bazara çıxarılması üzərində çalışıb.

Bu layihələr fərqli sahələrə aid olsa da, ümumi yanaşma eynidir: konkret problemi müəyyənləşdirmək, onun üçün sadə və işlək rəqəmsal məhsul qurmaq, istifadəçi davranışını ölçmək və məhsulu real bazar nəticələrinə əsasən inkişaf etdirmək.

Radar.az

Radar.az Nihad Abdullayev tərəfindən avtomobil sahəsində istifadəçilərlə xidmət təminatçıları arasında rəqəmsal əlaqəni sadələşdirmək və avtomobil sahibinin gündəlik ehtiyac duyduğu xidmətləri vahid ekosistemdə birləşdirmək məqsədilə yaradılıb.

Platforma avtomobil ustaları, servis mərkəzləri, avtoyuma, yağdəyişmə və digər avtomobil xidmətlərinin tapılması ilə yanaşı, avtomobilə texniki qulluq tarixçəsinin izlənməsi və avtomobillə bağlı müxtəlif rəqəmsal alətlərin istifadəsini də bir platformada birləşdirir.

Radar.az-ın əsas yanaşması sadəcə xidmət kataloqu yaratmaq deyil, avtomobil sahibi ilə avtomobil ekosisteminin müxtəlif iştirakçıları arasında davamlı rəqəmsal əlaqə qurmaqdır. Platforma minlərlə xidmət təminatçısını və 10 mindən çox qeydiyyatdan keçmiş istifadəçini öz ətrafında birləşdirib.

Süni intellekt və avtomatlaşdırma

Nihad Abdullayevin fəaliyyətində son illərdə əsas istiqamətlərdən biri süni intellektin real biznes proseslərinə tətbiqidir. Onun yanaşmasında AI ayrıca texnoloji funksiya deyil, satış, müştəri xidməti, keyfiyyətə nəzarət, məlumatların analizi və daxili əməliyyatların effektivliyini artıran biznes aləti kimi nəzərdən keçirilir.

Bu istiqamətdə LLM əsaslı sistemlər, sənəd və nitq analizi, marketinq və müştəri xidməti avtomatlaşdırmaları, AI əsaslı daxili alətlər və rəqəmsal məhsullar üzərində çalışıb.

Məhsul yanaşması

Nihad Abdullayevin məhsul yanaşmasının əsasında texnologiyanın özündən daha çox onun yaratdığı biznes nəticəsinə fokuslanmaq dayanır. Məhsulun ideyasının formalaşdırılmasından istifadəçi təcrübəsi və proses arxitekturasına, avtomatlaşdırmadan data analitikasına və miqyaslandırmaya qədər bütün inkişaf dövrünə vahid sistem kimi yanaşır.